Irani shpërfill SHBA-të, do vazhdojë programin e raketave
Irani i ka dënuar sanksionet e reja të miratuara nga Kongresi në SHBA, për programin e tij të raketave, por, gjithsesi ka premtuar se do ta vazhdojë atë.

“Ne do të vazhdojmë me fuqi të plotë programin tonë të raketave”, është cituar të ketë thënë zëdhënësi i Ministrisë së Jashtme të Iranit, Bahram Ghasemi për një televizion të kontrolluar nga shteti.

“E dënojmë këtë veprim armiqësor dhe të papranueshëm”, ka thënë ai për sanksionet.

Ghasemi ka thënë se Teherani i konsideron masat e SHBA-së si “armiqësore, të dënueshme dhe të papranueshme”, duke shtuar se “këto janë përpjekje për të dobësuar marrëveshjen bërthamore”.

Sipas marrëveshjes së vitit 2015 të SHBA-së dhe fuqive të tjera botërore, Irani duhet të limitojë aktivitetet bërthamore në këmbim të lehtësimit të sanksioneve. /albeu.com/


Shtuar më 29/07/2017, ora 16:34

Shkruani komentin tuaj!
Të fundit nga kjo kategori