I gjithë qyteti turk në kërkim të vajzës që qan natën pranë varrit (VIDEO)

Një vajzë e re që shfaqet në një varrezë dhe qan përpara një varri për pesë net rresht ka shkaktuar kureshje në qytetin qendror turk të Çorumit.

Punonjësit e Varrezës së Madhe (Ulu) të vendosur në lagjen "Çepni" të qytetit panë vajzën e paidentifikuar, që besohet të jetë 17 ose 18 vjeç, në natën e 26 prillit, duke qarë pranë një varri. E njëjta vajzë u pa edhe tre netët e ardhshme pranë varrit të Fatma Çit, e cila vdiq në vitin 1982.

Çështja u shndërrua në një sensasion lokal, duke bërë që zyrtarët të lënë një shënim tek varri më 30 prill, duke i kërkuar vajzës t'i kontaktojë nëse ka nevojë për ndihmë apo mbështetje.
Policia nisi një operacion kërkimi për të gjetur vajzën, pasi vendasit ishin kureshtarë dhe të frikësuar nga incidenti. Shumë vendas arritën në vendngjarje për të parë nëse vajza do të vinte përsëri, por u larguan nga policia.

Vajza, e veshur me rroba të zeza dhe këpucë të kuqe, erdhi tek varri të martën, por u largua në errësirë ndërsa policia po përpiqej ta kapte.

Të mërkurën, policisë ju desh të ngrinte pengesë sigurie rreth varrezave për të mbajtur larg rreth 300 kalimtarë kureshtarë për të parë nëse vajza do të vijë përsëri. Një grup të rinjsh u përpoqën të hynin në varreza përmes murit me një shkallë, duke shkaktuar një përleshje të shkurtër me forcat e rendit dhe katër persona të arrestuar.

Një kamer sigurie që filmon natën dhe një aparat fotografik u instaluan pranë varrit nga Bashkia Çorum për të kapur pamjet e vajzës dhe për ta identifikuar atë.

Policia kreu një kërkim të plotë në varreza dhe zonat përreth për tetë orë, por nuk mundi të gjente ndonjë provë.

"Ajo është ndoshta një e dehur ose e droguar", thotë Ömer Şen, një varrmihës profesionist i cili punon në varreza, ndërsa shpërndan thashetheme në mesin e banorëve duke pretenduar se ajo është "një fantazmë". "Është e pamundur," tha Şen për agjencinë e lajmeve Doğan, ndërsa ankohet për incidentin "i dha Çorumit një emër të keq".

Shtuar më 03/05/2018, ora 19:41
Shkruani komentin tuaj!
Të fundit nga kjo kategori