Hiqet imuniteti, amerikanët hyjnë në misionin rus në SHBA
Autoritetet amerikane kanë marrë kontrollin mbi ndërtesën e misionit tregtar rus në Uashington, transmeton agjencia TASS, sipas të cilës rojat amerikane janë dërguar në ndërtesë.

Shefi i misionit tregtar rus në Uashington, Aleksandar Stadnik, ka konfirmuar për TASS se sipas fjalëve të autoriteteve amerikane, misionit të ndërtesës i është hequr sonte imuniteti diplomatik.

TASS më herët ka bërë të ditur se amerikanët po bëhen gati të bastisin misionin tregtar rus në Washington dhe se këshilltarit të ambasadës amerikane në Moskë, Antony Godfree, lidhur me këtë i është dorëzuar nota e protestës.

“Teknikisht, bastisjen do ta kryejë Departamenti i Shtetit”, tha zëdhënësi i Ambasadës ruse, Nikolaj Lakonin për TASS.

Më herët Ministria e Jashtme e Rusisë njoftoi se shërbimet speciale amerikane planifikojnë që sot të kryejnë bastisje në Konsullatën ruse në San Francisko, e cila po ashtu është mbyllur me kërkesë të autoriteteve amerikane, si dhe banesat e përfaqësuesve diplomatikë rusë.



Shtuar më 02/09/2017, ora 23:52
Shkruani komentin tuaj!
Të fundit nga kjo kategori