Ambasadorja amerikane në Kombet e Bashkuara, Nikki Haley, ka thënë se Shtetet e Bashkuara të Amerikës nuk janë më të fokusuar në largimin e Bashar al-Assadit, si parakusht për zgjidhjen e luftës civile në këtë vend.

"Tashmë prioriteti ynë nuk është të qëndrojmë atje dhe të fokusohemi në largimin e Assadit", ka thënë ajo.

Sekretari amerikan i shtetit, Rex Tillerson, tha se "e ardhmja e Assadit do të vendoset nga populli i Sirisë", ndërsa zëdhënësi opozitar sirian, Monzer Makhos, u tha gezatrëve në Gjenevë se "opozita kurrë nuk do ta pranojë çfarëdo roli për Bashar al-Assadin në asnjë fazë, nuk do të ketë ndryshim në qëndrimin tonë". /albeu.com/