Guxim prej "budallai", të fotografosh llavën vetëm me pantallona (FOTO & VIDEO)

Pëlqej
Një burrë i veshur me pantallona të shkurtra dhe sandale është parë të shtunën, duke shkrepur fotografi të “detit” të llavës që ka përfshirë zonën e gjelbëruar në Puna të Havait.

Shpërthimi i vullkanit në Havai është bërë edhe më i rrezikshëm, pasi shkrirja e gurëve dhe llavës në oqean ka bërë që të lirohen gazrat që janë shpërndarë në ajër dhe re të zeza, transmeton Telegrafi.

Vullkani Kileauea filloi të shpërthej dy javë më parë, dhe si pasojë qindra shtëpi janë djegur dhe mijëra banorë janë detyruar t’i braktisin pronat, derisa re të zeza hiri dhe tymi kanë vështirësuar trafikun ajror.

Derdhja e llavës nëpër zonën e gjelbëruar ka bërë që një person të lëndojë këmbën, ndërsa autori i fotografive të publikuara më poshtë është bërë hit në internet për guximin dhe dashurinë e madhe për fotografinë që të realizoi diçka artistike.

Ai ka rrezikuar jetën që të realizojë një set fotografik me të cilin ka dokumentuar rrezikun dhe dëmet që po i shkakton llava e vullkanit Kileauea. Llava është zgjeruar në 24 kilometra dhe është duke u derdhur në oqean në pjesën jugore të gjirit.

Shtuar më 21/05/2018, ora 19:27
Shkruani komentin tuaj!
Të fundit nga kjo kategori