Guterres: Kam ambicie, por mos prisni të bëj mrekullia në OKB
Sekretari i ri i përgjithshëm i Kombeve të Bashkuara, Antonio Guterres, tha se “nuk është mrekullibërës”, por megjithatë ka paraqitur ambicie të mëdha: ai dëshiron ta ndryshoj këtë trupë globale dhe të arrijë që të 193 shtetet anëtare të bashkohen për zgjidhjen e “problemeve të tmerrshme” me të cilat ballafaqohet bota.

Duke folur në ditën e parë të punës së tij në selinë e Kombeve të Bashkuara në Nju Jork, si sekretar i përgjithshëm i OKB-së, zoti Guterres tha se konfliktet po shumohen, ato janë të ndërlidhura dhe se kanë shkaktuar “terrorizëm global”.

Sipas tij, ekziston edhe shkelje masive e të drejtave të njeriut dhe pabarazi në rritje, që shkakton revoltë, zemërim dhe jostabilitet, raporton AP nga Kombet e Bashkuara.

Antonio Guterres, ish-kryeministër i Portugalisë, dhe shef për refugjatë i OKB-së, e ka zëvendësuar sekretarin e deritashëm, Ban Ki-moon. /albeu.com/


Shtuar më 03/01/2017, ora 20:54

Shkruani komentin tuaj!
Të fundit nga kjo kategori