Guatemale, zgjidhet presient ish-ushtaraku
Një ish-gjeneral ushtrie ka fituar zgjedhjet presidenciale në Guatemala dhe do të bëhet ish-ushtaraku i parë që merr pushtetin në këtë vend që nga përfundimi i regjimit ushtarak 25 vite më parë.

Autoritetet që u morëm me procesin zgjedhor në këtë vend thanë për mediat se pas numërimit të pothuaj të gjitha fletëvotimeve, Oto Perez Molina, ka fituar mbi 54 për qind të balotazhit të së dielës.

Molina është zotuar për luftimin e krimit në Guatemala (që është në mesin e shteteve me përqindjen më të lartë të vrasjeve në botë) dhe për mbrojtjen e shtetit nga kartelet e drogës së Meksikës, të cilat e përdorin këtë vend si urë kaluese për kontrabandë.

Mirëpo, kritikët tërheqin vërejtjen se imazhi i Molinas është dëmtuar nga koha në ushtri gjatë luftës civile të shtetit që zgjati 36 vite.
Më shumë se 200 mijë njerëz vlerësohet të jenë vrarë gjatë konfliktit ndërmjet 1960-1996./albeu.com/
Shtuar më 07/11/2011, ora 14:42
Shkruani komentin tuaj!
Të fundit nga kjo kategori