Ushtria e Mianmarit ka marrë kontrollin e vendit duke arrestuar lideren e partisë udhëheqëse Aung San Suu Kyi dhe politikanë të tjerë, raporton BBC.

Televizioni Ushtarak njoftoi se ishte shpallur gjendja e jashtëzakonshme për një vit dhe pushteti u transferua.

Grushti i shtetit vjen pasi tensionet u rritën midis qeverisë civile dhe ushtrisë pas zhvillimit të zgjedhjeve të diskutueshme.

Myanmar, i njohur gjithashtu si Burma, u drejtua nga ushtria derisa filluan reformat demokratike në 2011.

Ushtria tha të hënën se po i jepte pushtetin komandantit të përgjithshëm Min Aung Hlaing për shkak të “mashtrimit të zgjedhjeve”. Gjithashtu, ushtria pretendon të ketë identifikuar raste të mashtrimit, duke përfshirë të mitur midis votuesve. Disa ambasada, përfshirë atë të Shteteve të Bashkuara dhe delegacionin e Bashkimit Evropian, i kanë kërkuar Burmës që “t’i përmbahet standardeve demokratike”.

Ushtarët janë në rrugët e kryeqytetit, Nay Pyi Taw, dhe qytetit kryesor, Yangon.

Në zgjedhjet e nëntorit, Lidhja Kombëtare e Demokracisë (NLD) e zonjës Suu Kyi fitoi vende të mjaftueshme për të formuar një qeveri.