Greqia përfshihet nga protesta dhe greva
Nga sot deri të mërkurën në Greqi do të mbahen protesta dhe greva për shkak të votimit të pritur në Parlament të pakos së ligjeve, të cilat parashikojnë revizione në sektorin shtetëror, kodeksin e ri tatimor dhe ndryshime tjera në zëvendësim për vazhdimin e financimit të vendit nga kreditorët ndërkombëtarë.

Pakoja u miratua nga fundi i javës së kaluar nga Komisioni parlamentar për çështje ekonomike me votat e dy partive nga koalicioni qeveritar-Demokracia e Re konservatore dhe PASOK-u socialist, shkruan Alsat. Majtistja demokratike DIMAR, e cila e braktisi koalicionin në muajin e kaluar votoi "kundër".

Kulminacioni i protestave pritet nesër, për kur është planifikuar grevë 24-orëshe, e konvokuar nga dy sindikatat GSSE dhe ADEDI të cilat bashkojnë të punësuarit në sektorin privat dhe shtetëror. Për nesër është caktuar edhe tubim protestues në qendër të Athinës.

Prej sot deri të mërkurën shërbimet komunale në Greqi do të jenë të mbyllura në shenjë të protestës kundër shkurtimeve të parapara të vendeve të punës në sektorin privat. Të punësuarit në pushtetin lokal për shkak të këtyre shkurtimeve planifikojnë protesta edhe në qytet tjera më të mëdha në Greqi./albeu.com/
Shtuar më 15/07/2013, ora 14:13
Shkruani komentin tuaj!
Të fundit nga kjo kategori