Me më shumë se 400 mijë ndjekës në Instagram, Françeska Jaçe është një nga modelet dhe influenceret më të njohura në Shqipëri. Ish-banorja e Big Brother është mjaft aktive në rrjete sociale e shpesh herë tërheq vëmendjen me fotot e saj provokuese, por jo vetëm. Françeska duket se e shijon në maksimum jetën për shkak të udhëtimeve të shumta luksoze që bën. Mbrëmjen e djeshme, bukuroshja bionde ishte e ftuar në emisionin “Top Arena”, ku u pyet nga Antonela Berishaj pikërisht për këtë temë. “Përveçse ke një agjenci udhëtimesh, ti shkon sa në Dubai, sa në Miami, kush i sponsorizon këto?”, e ka pyetur ish-konkurrentja e “Për’puthen”.
“Sigurisht që agjencia e udhëtimeve. Plus që ti e di ne që jemi influencer në instagram, nëse dërgojmë një e-mail disa bonuse mund t’i kemi të paktën në discount, ose hotelin gratis. Pastaj pak familja, pak nga udhëtimi, pak nga vetja do harxhojmë pak më shumë seç e kishim planifikuar”, është përgjigjur Françeska.
Ndërkohë e pyetur se cili ka qenë udhëtimi i saj më i shtrenjtë, modelja është përgjigjur: “Ky i fundit në Miami. Miami është vend i shtrenjtë. Kisha dy vite pa udhëtuar, I meritoja”.
