Duke ju referuar burimeve të hetuesve Agjencia France Press njofton se disa prej të arrestuarve pak ditë më parë në Francë të dyshuar si islamikë dyshohet se planifikonin rrëmbimin e një gjyqtari hebre dhe disa personave të tjerë.

“Duket se disa nga ta planifikonin të kryenin rrëmbime, përfshirë një gjyqtar me emrin hebre”, kanë thënë burimet. Arrestimet e ekstremistëve në Francë vijnë pas sulmit të Muhamed Merahut, francezit me prejardhje algjeriane, i cili para se të vritej nga policia, pranoi se ka vrarë 3 ushtarë francezë, një civil dhe tre fëmijë hebrenj. /albeu.com/