Drejtuesja e ekstremit të djathtë francez, Marine Le Pen kërkoi sot ndërprerjen përfundimtare të procesit të anëtarësimit të Turqisë në Bashkimin Evropian, në një kohë kur presidenti, Emmanuel Macron priti në Paris homologun turk, Recep Tayyip Erdogan.

“Orientimi për shkatërrimin e lirisë nga regjimi i Erdoganit, pushtimi i Qipros, pozicioni gjeografik i Turqisë, për të gjitha këto arsye, Franca duhet të kërkojë ndëprerjen përfundimtare të procesit të anëtarësimit të Turqisë në BE!”, deklaroi drejtuesja e Frontit Kombëtar në një mesazh në rrjetin social Twitter nënshkruar “MLP”.

Mbështetësit e të drejtave të njeriut presin një mesazh nga presidenti francez për homologun turk, i cili shpreson të përfitojë nga vizita në Paris për rifillimin e dialogut me Evropën./albeu.com/