Një adoleshente minorene në Francë është vënë nën hetim, pasi akuzohet se ka planifikuar një sulm terrorist duke përdorur aplikacionin e mesazheve “Telegram”.

Lajmi bëhet i ditur nga zyrtarë të drejtësisë franceze, ndërkohë që vajza është e moshës 16-vjeçare.

E dyshuara nuk ka asnjë rekord kriminal nga e kaluara e saj, por është prangosur në shtëpinë e saj gjatë së enjtes së kaluar, pas një bastisjeje antiterror në periferi të Parisit.

Ajo ishte administratore e një grupi në aplikacionin që konsiderohet gjerësisht si i pagjurmueshëm nga shërbimet e sigurisë, ndërsa akuzohet se ka bërë thirrje për sulme.

Aplikacioni “Telegram”, një krijim i vitit 2013 nga vëllezërit rusë, Nikolai and Pavel Durov, është përdorur edhe nga terroristi që vrau priftin në Normandi gjatë muajit të kaluar.

Bastisja e së enjtes ishte rezultat i monitorimit nga shërbimet e sigurisë të sjelljeve të dyshimta në rrjetet sociale, sipas asaj që bën të ditur gazeta “Le Parisien”.

Emri i vajzës nuk është bërë publik nga autoritetet dhe gjithashtu thuhet se nuk ka përmendur ndonjë objektiv specifik. /albeu.com/