Franca reagon për largimin e SHBA-ve nga UNESCO
Pëlqej
Franca, që mban në Paris selinë e UNESCO-s dhe që synon kryesinë e organizatës, shprehu keqardhje për largimin amerikan dhe vlerësoi se ky vendim i jep një kuptim të ri kandidaturës franceze.

“Ne shprehim keqardhje për vendimin amerikan që të tërhiqet nga UNESCO në një moment ku mbështetja e komunitetit ndërkombëtar për këtë organizatë është thelbësor”, deklaroi zëdhënësja e Ministrisë së Punëve të Jashtme, Agnès Romatet-Espagne.

“Kandidatura jonë për drejtorin e përgjithshëm të organizatës merr, në këto rrethana, një kuptim të ri”, shtoi ajo, përcjell Atsh.

SHBA-ja njoftoi sot tërheqjen nga UNESCO duke e akuzuar së është anit-izraelite. Menjëherë pas tërheqjes së Uashingtonit edhe Izraeli njoftoi tërheqjen e tij. /albeu.com/



Shtuar më 12/10/2017, ora 23:24

Shkruani komentin tuaj!
Të fundit nga kjo kategori