Franca i ka bërë thirrje Rusisë t'i ndalë veprimet ushtarake në Siri dhe ta respektojë armëpushimin e ndërmjetësuar nga Moska dhe Turqia.

"Ne dënojmë vendosmërisht çdo gjë që Rusia mund të bëjë në Siri që do të mund të kontribuonte në vazhdimin e luftimeve", ka thënë sot kryeministri i Francës, Bernard Cazeneuve.

Marrëveshja për armëpushim, e cila u mirëprit në mënyrë unanime nga Këshilli i Sigurimit i Kombeve të Bashkuara, është shkelur vazhdimisht nga palët luftuese që ia kanë vënë fajin njëra-tjetrës.

Ndërkohë, rebelët kanë paralajmëruar se nuk do ta respektojnë armëpushimin nëse pala qeveritare vazhdon ta shkelë atë. /albeu.com/