Franca do të ndalojë automjetet me naftë dhe benzinë
Ministri francez i Mjedisit, Nicolas Hulot,deklaroi të enjten se qëllimi i tyre është që prodhuesit e automjeteve në vend të ndalojnë shitjen e automjeteve me naftë dhe benzinë deri në vitin 2040.

Duke njoftuar për planin pesëvjeçar dhe për të inkurajuar përdorimin e energjisë së pastër dhe përmbushjen e detyrimeve të vendit në bazë të Marrëveshjes së Parisit, Hulot ka thënë se prodhuesit e makinave franceze kanë projekte që mund të përmbushin këtë premtim.

Njoftimet e tij erdhën një ditë pasi prodhuesi suedez i automobilave “Volvo” u bë kompania e parë e madhe e makinave, e cila premtoi se do t’i braktisë automjetet që ekskluzivisht përdorin motor me djegie të brendshme.

Hulot gjithashtu tha se Franca do të ndalojë prodhimin e energjisë nga termocentralet, të cilat aktualisht përbëjnë pesë për qind të fuqisë së përgjithshme nga 2022. /albeu.com/

Shtuar më 07/07/2017, ora 17:08
Shkruani komentin tuaj!
Të fundit nga kjo kategori