Evropa i "mbylli derën" pas variantit të ri të koronavirusit, Britania kërkon zgjidhje
Më shumë se 40 shtete kanë byllur kufijtë për mallra dhe udhëtarë nga Britania e Madhe, duke i anuluar fluturimet nga ky vend për shkak të përhapjes së shpejtë të llojit të r të koronavirusit.

Franca e mbylli kufirin me Britaninë e Madhe për 48 orë. Kamionët dhe tragetet nga Doveri nuk mund të qarkullojnë.

Bi-Bi-Si, duke iu referuar ministrit francez për Çështje Evropiane Kliment Bin, lajmëroi se Britania e Madhe dhe Franca do të shpallin marrëveshje për rivendosjen e trafikut transportues deri të mërkurën.

“Në 24 orët e fundit vazhdimisht kemi biseduar me kolegët tanë francezë për një sërë çështjesh, ndërsa do të vazhdojmë edhe sot”, deklaroi ministrja britanike e Punëve të Brendshme, Priti Patel.

Në pyetjen nëse mund të pritet zgjidhje sot, Pateli tha se po punohet në të sepse është në “interes të të dyja vendeve që të sigurohet rrjedhje të papenguar”.

“Do të shohim se çfarë do të ndodhë sot”, tha Pateli.

Njoftimi i Londrës për shfaqjen e llojit të ri, më infektues të koronavirusit ka shkaktuar panik në botë të prekur nga pandemia e Kovid-19 prej të cilit kanë vdekur rreth 1,7 milionë njerëz, duke përfshirë mbi 67.000 në Britani të Madhe.
Shtuar më 22/12/2020, ora 13:03

Shkruani komentin tuaj!
Të fundit nga kjo kategori