Moti i keq gjatë ditës së sotme ka sjellë probleme jo vetëm në akset rrugore të vendit, por edhe në linjat e fluturimit.
Sipas burimeve ekskluzive për albeu.com, avioni i linjës Dortmund-Tiranë është ulur në aeroportin e Barit për shkak të motit të keq.
Ndalesa në Bari ka qenë një ulje e detyruar, për shkak të vështirësive të krijuara nga reshjet e shiut dhe erërat e forta, raporton albeu.com.
Fatmirësisht ulja është kryer me sukses duke mos e agravuar më tej situatën.
Ndërkohë kujtojmë se moti i keq ka përfshirë vendin tonë, por jo vetëm, gjatë ditës së sotme, ku reshjet e shiut dhe erërat e forta po sjellin vështirësi në lëvizje për qytetarët./albeu.com/
