Europol shkresë edhe Shqipërisë: Kujdes nga kriminelët, po shfrytëzojnë rastin
Europol i paralajmëron disa shtete për shfrytëzimin e mundësisë së prodhimit dhe shitjes së certifikatave të rreme të provës COVID-19 nga ana e kriminelëve.

Me anë të një shkrese dërguar vendeve anëtare, mes të cilave bën pjesë edhe Shqipëria, Agjencia evropiane thotë se tanimë janë shfaqur raste të tilla, pasi teste të tilla u kapën në aeroportin “Charles de Gaulle” në Paris, Francë.

Raste të tilla janë regjistruar edhe në Mbretërinë e Bashkuara dhe në Spanjës, ku raporte të tilla me rezultate fiktive negative shiteshin me 40 euro.

“Duke pasur parasysh mjetet e përhapura teknologjike të disponueshme, në formën e printerëve me cilësi të lartë dhe softuerëve të ndryshëm, mashtruesit janë në gjendje të prodhojnë dokumente të falsifikuara ose të rreme me cilësi të lartë”- thekson Agjencia.

Shtetet Anëtare inkurajohen të ndajnë me Europol çdo informacion të rëndësishëm mbi aktivitetet kriminale në lidhje me dokumentacionin e rremë të provës COVID-19.

Më herët në Shqipëri janë prangosur pesë persona, pronarë të agjencive turistike të cilët u mundësonin teste negative false për covid personave të caktuar që donin të udhëtonin drejt BE, kryesisht në Gjermani.
Shtuar më 02/02/2021, ora 20:11

Shkruani komentin tuaj!
Të fundit nga kjo kategori