Erdogan akuzon Merkelin për mbështetje të terroristëve
Presidenti i Turqisë, Recep Tayyip Erdogan ka akuzuar kancelaren gjermane, Angela Merkel se po mbështet terroristët.

“E nderuara Merkel, ti mbështetë terroristët”, ka thënë Erdogan gjatë një interviste të drejtpërdrejtë për rrjetin ‘A Haber’.

“Zonja Merkel, pse po i fsheh terroristët në vendin tënd?… Pse nuk po bën asgjë”, ka thënë Erdogan, duke akuzuar Berlinin se nuk po përgjigjet për 4,500 dosjet e dërguara nga Ankaraja për të dyshuarit për terrorizëm.

Presidenti turk ka akuzuar edhe televizionin shtetëror gjerman për mbështetje “të organizatave terroriste” dhe për përhapje të propagandës kundër sistemit presidencial.

Erdogan nuk tha saktësisht se cilat janë organizatat terroriste por duket se këto komente janë referencë për Partinë e Punëtorëve të Kurdistanit (PPK), grup të cilin Turqia dhe Bashkimi Evropian e cilësojnë terrorist.

Komentet e Erdoganit vijnë në kohën e rritjes së tensioneve në mes të Ankarasë dhe vendeve të tjera evropiane, për shkak se disa vende kanë anuluar tubimet e ministrave turq për një referendum që zgjeron kompetencat e Erdoganit. /albeu.com/

Shtuar më 13/03/2017, ora 21:46

Shkruani komentin tuaj!
Të fundit nga kjo kategori