Erdogan, akuza për terrorizëm fondacioneve gjermane
Gjatë kthimit të tij nga Maqedonia, kryeministri turk Rexhep Taip Erdogan ka akuzuar disa nga organizatat gjermane si financuese të Partisë Punëtore Kurde. Erdoan ka habitur gazetarët gjatë kthimit në tij në avion me këtë deklaratë, por nuk ka dashur të tregojë se për cilat organizata bëhet fjalë.

Por mediat kanë bërë të ditur se akuzat mund ti adresoheshin Shoqatës për Bashkëpunim Ndërkombëtar GIZ dhe Bankës për Zhvillim KfW. Në mesin e tyre ka gjithashtu edhe projekte në lindje të Turqisë, në metropolin Dijarbakir ku jetojnë kryesisht kurdë.

GIZ dhe KfW janë prej shumë vitesh në Turqi, KfW ka financuar deri tani në emër të Ministrisë Federale të Ekonomisë më shumë se 100 projekte me grante ose kredi të buta, veçanërisht për furnizimin me ujë, kanalizimin dhe mbeturinat në Tyrker. Erdogan vetë nuk i komentoi më tej akuzat, por në vend të tij doli në publik ministri i Jashtëm Ahmet Davutoglu.

"Ajo që mendon kryeministri, është se terrorizmi ndonjëherë mund të marrë mbështetje nën etiketa të ndryshme. Nga ana e donatorëve kjo gjë bëhet edhe në mënyrë të pandërgjegjshme. Unë mendoj me këtë se nuk janë vetëm fondacionet gjermane, por e them këtë në përgjithësi. Por është e rëndësishme të tregohet një farë kujdesi dhe vëmendjeje jo vetëm nga shteti, por nga të gjitha anët." - tha ministri i Jashtëm Ahmet Davutoglu.

Kjo nuk është hera e parë që Erdogani ngre akuza kundër institucioneve gjermaneTurqi. Edhe përfaqësuesit e fondacioneve politike si Friedrich-Ebert shihen prej vitesh me radhë me dyshim. Nëntë vjet më parë përfaqësues të këtij fondacioni janë nxjerrë në gjyq nën akuzën për "spiunazh" kundër Turqisë. Megjithatë akuzat dolën se ishin pa bazë.
Shtuar më 04/10/2011, ora 18:49
Shkruani komentin tuaj!
Të fundit nga kjo kategori