E RENDE/ Në tentativë për të vrarë gjarprin, qëllon për vdekje gruan shtatzanë
Një burrë është arrestuar pasi qëlloi për vdekje gruan e tij shtatzënë nga një plumb që besohet se bëri rikoshet.

I riu po përpiqej për të vrarë një gjarpër me pushkë gjuetie, kur goditi gabimisht gruan e tij.

Ali El Arid, 28 vjeç, shpëtoi nga lufta në Sirinë e shkatërruar për të filluar një jetë të re në Turqi me gruan dhe dy fëmijët e tyre. Ai filloi të kujdesej për bagëtitë në një fermë në rrethin Seydisehir të provincës Konya në qendër të Turqisë.

Ai vuri re një gjarpër duke rrëshqitur në dhomën e gjumit në shtëpinë e familjes në orët e para të mëngjesit dhe rrëmbeu pushkën e gjuetisë për ta qëlluar.

Ai thotë se plumbi bëri rikoshet dhe goditi në shpinë gruan e tij, Zeyneb El Arid, duke bërë që ajo të rrëzohej në tokë.

El Arid lajmëroi menjëherë një ambulancë duke e transportuar atë për në Spitalin Shtetëror Seydisehir, por pavarësisht operacionit urgjent, ajo vdiq.

Çifti kanë dy fëmijë, dy dhe tre vjeç.

Trupi i viktimës u dërgua në morgun e Spitalit për një autopsi.

Policia po heton deklaratën e Ali El Arid se të shtënat ishin aksidentale.

Ai është aktualisht në paraburgim dhe nuk u zbulua se kush po kujdeset për fëmijët e tij të mitur.
Shtuar më 31/07/2019, ora 20:32
Shkruani komentin tuaj!
Të fundit nga kjo kategori