E gjithë Evropa në ankth, sot deputetët britanikë votojnë për BREXIT
Deputetët britanikë sot pritet ta miratojnë ose jo marrëveshjen e Theresa May për shkëputjen nga Bashkimi Europian.

Vota më domethënëse ndonjëherë pritet të zhvillohet më vonë gjatë ditës, pas përfundimit të një debati gati 5-ditor mbi “Brexit”-in.

May u ka bërë thirrje të gjithë politikanëve ta mbështesin marrëveshjen e saj, në të kundërt rrezikojnë “të zhgënjejnë popullin britanik”.

Por, duke qenë se shumë prej deputetëve të saj pritet t’u bashkohen partive opozitare për të votuar kundër marrëveshjes, pritet gjerësisht që ajo të dalë e humbur në këtë votim.

Deputetët do të mund të sugjerojnë edhe amendamentet që mund ta përmirësojnë marrëveshjen, përpara se votimi të nisë rreth orës 19:00 sipas kohës lokale në Britani.
Shtuar më 15/01/2019, ora 09:29
Shkruani komentin tuaj!
Të fundit nga kjo kategori