E gjithë bota i kërkon pas djegies të katedrales, vjen një lajm nga babai dhe vajza

Një fotografi e babait me të bijën e saj përpara katedrales së Notre Damit, disa minuta përpara se ajo të përfshihej nga flakët, u përhap në internet, ku autorja e fotografisë kërkoi që t’i gjente ata, raporton BBC.

Brroke Windsor, 23 vjeçare tha babai dhe vajza që ajo e fotografoi rreth një orë përpara se katedralja të përfshihej në zjarr, janë gjetur.

Fotografia e saj, ku shihen babë e bijë duke luajtur përpara monumentit 850 vjeçar, u bë virale në internet, dhe u shpërnda shumë.

Ajo tha për BBC se dëshironte që ata (babai dhe vajza) ta kenë këtë foto si kujtim pasi që katedralja nuk është më.

Madje Brooke Windsor shkruan se personi në fotografi i shkroi asaj një mesazh personal dhe duke e fotografuar për fotografinë.

“Kërkimi mbaroi! Fotografia ka arritur te babai dhe familja. Ai ka zgjedhur që të mbetet anonim për ta nderuar tragjedinë dhe ju shkruan ‘Faleminderit përsëri për këtë fotografi të bukur, ne do ta gjejmë një vend të veçantë për të.’ Faleminderit të gjithëve që e keni shpërndarë fotografinë dhe faleminderit për fjalët tuaja të mira” shkroi Windsor në Twitter.

Fotografia e babait që luan me vajzën e saj, u shkrep disa momente para se katedralja të digjej, dhe ngjalli reagime të mëdha të njerëzve në Twitter, që u përpjekën ta gjenin, dhe rezultoi me sukses.
Shtuar më 18/04/2019, ora 22:40
Shkruani komentin tuaj!
Të fundit nga kjo kategori