Gjermania ndalon shitjen e armëve ndaj Arabisë Saudite
Vrasja dhe më pas copëtimi i trupit të gazetarit saudit Xhamal Kashugi në konsullatën e Arabisë Saudite në Stamboll i ka hapur rrugën një skandali të vërtetë që përfshin drejtuesit më të lartë të këtij shtetit.

Sëfundmi, Gjermania ka vendosur që të ndërpresë shitjen e armëve ndaj Arabisë Saudite duke u bërë kështu shteti i parë që ndërmerr këtë veprim pas vrasjes së gazetarit si edhe masakrave në Jemen.

Lajmi u dha nga Philipp Jornitz, zëdhënësi i Ministrisë së Energjisë dhe Ekonomisë në Gjermani, i cili konfirmoi se janë bërë takime me të gjithë prodhuesit e armëve duke marrë vendimin në fjalë, raporton Albeu.com.

SHBA dhe Gjermania janë ndër eksportuesit më të mëdhenj të armëve në Arabinë Saudite, e cila ka rritur ndjeshëm blerjet vitet e fundit pas konfliktit në Jemen si edhe paqendrueshmërisë në rajon. /albeu.com/
Shtuar më 19/11/2018, ora 16:00
Shkruani komentin tuaj!
Të fundit nga kjo kategori