Në zgjedhjet e italisë lëvizaj 5 Yjet rezulton të jetë forcë e parë politike në jug të vendit, Napoli, Bari dhe Palermo. Kurse partia Lega e Mateo Salvinit, dikur Lega e Veriut, është më shumë prezente në veri të vendit, Milano, Torino, Gjenova.

Kurse Majta ka humbur shumë nga bastionet duke mbetur forcë e parë vetëm më zonën e Firences atje ku ka qenë kryetar bashkie kryetari i saj Renci.

Partia e parë në zgjedhje ka dalë Lëvizja 5 Yjet me rreth 32,3 përqind ndërkohë që Koalicion fitues ka dalë e Djathta e Qendrës me mbi 37 përqind. Ajo që është për të shënuar është se forca më e madhe në Koalicionin e Djathtë është tani Lega e Mateo Salvinit, një forcë anti-sistem.

Ndërkohë që e Majta rruhet ndjeshëm, në më pak se 20 përqind dhe vendin e saj e zë një forcë anti-sistem e tillë

si Lëvizja 5 Yjet, e Djathta ruan votat e saj, por brenda saj në vend të parë është një forcë anti-sistem si Lega ndërkohë që djathta tradicionale Forca Italia nuk arrin të grumbullojë më shumë se 15 përqind të votave.

Përfundimi është i qartë: Në zgjedhjet e 4 marsit kanë arritur suksese dy forca anti-sistem, Lëvizja 5 Yjet dhe Lega, të cilat kanë fituar përkatësisht 32,3 përqind dhe 17,3 përqind ose së bashku rreth 50 përqind, pra mund të thuhet se forcat anti-sistem dhe janë shprehur kundër BE kanë fituar mbështetjen e gjysmës së popullsisë. Ndërkohë që pjesëmarrja ka qenë relativisht e lartë rreth 72-73 përqind. /albeu.com/