Dorëzohet Trump, premton transferim të rregullt të pushtetit te Biden
Duket se presidenti aktual Donald Trump është dorëzuar pas konfirmimit të fitores së Joe Biden nga Kongresi amerikan.

Trump është shprehur përmes një deklarate se ky vendim përfaqëson, “fundin e mandatit të parë më madhështor në historinë presidenciale amerikane”.

Teksa zotohet se do të bëj një transferim të rregulltpushtetit më 20 janar, ai nuk ka hequr dorë nga pretendimet se zgjedhjet u vodhën.

“Edhe pse jam totalisht kundër përfundimit të zgjedhjeve, dhe faktet e mbështesin këtë pretendim, pavarësisht kësaj do të ketë një transferim të rregulltpushtetit, më 20 janar. Gjithmonë, kam thënë se do të vazhdoj të luftoj për të siguruar që të gjitha votat ligjore të numërohen. E ndërsa kjo përfaqëson fundin e mandatit të parë më madhështor në historinë presidenciale, është vetëm fillimi i luftës sonë për ta bërë Amerikën sërish Madhështore”, tha Trump.

Kujtojmë se ditën e djeshme Trump thirri mbështetësit e tij të protestonin kundër certifikimit të Joe Biden, protestë e cila shkoi deri në një dhunë të pashembullt për SHBA.

Protestuesit u futën në godinën e Kongresit duke ndërprerë procesin e certifikimit, ndërsa nga përplasja me forcat e policisë humbën jetën 4 persona.
Shtuar më 07/01/2021, ora 11:09

Shkruani komentin tuaj!
Të fundit nga kjo kategori