Dalin detaje të reja për vdekjen e vëllait të liderit të Koresë së Veriut
Kim Jong-nam, gjysmë-vëllai i liderit të Koresë së Veriut Kim Jong-un ka vdekur brenda 15 deri në 20 minutash pasi që ishte helmuar me injeksionin nervor VX, konfirmojnë rezultatet e autopsisë.

Ministri i Shëndetësisë së Malajzisë, Subramaniam Sathasivam, tha se raportet e autopsisë konfirmojnë se agjensi nervor VX ka shkaktuar paralizë të rëndë, e cila ka shkaktuar vdekjen e Kim Jong-nam në një kohë shumë të shkurtër.

“Sasia e agjencës nervore VX ishte aq e madhe sa që me shpejtësi është përhapur në zemrën dhe mushkëritë e tij. Absorbimi ishte shumë i shpejtë që rezultoi në vdekjen e Kim Jong-nam brenda 15 deri 20 minutash”, tha ministri i Malajzisë.

Subramaniam deklaroi se ministria është ende duke pritur që ndonjë nga të afërmit e Jong-nam të udhëtojë për në Malajzi për të verifikuar identitetin e tij.

Ai shtoi se në qoftë se asnjë nga të afërmit e tij nuk paraqitet, ata do të përdorin metoda të tjera për të përcaktuar identitetin e tij. Ministri malajzian tha se autopsia ka përfunduar dhe se rezultatet e të njëjtës do t’i dorëzohen policisë për hetime të mëtutjeshme. Dy të shtetase të huaja, njëra nga Indonezia dhe tjetra nga Vietnami, të cilat dyshohen për kryerjen e vrasjes në aeroportin e Kuala Lumpurit, ishin trajnuar për të kryer vrasjen në mënyrë që të fërkojnë duart e tyre me helm në fytyrën e Jong-namit.

Nga Pheniani pohojnë se për vrasjen e tij përgjegjësinë më të madhe e mbanë Malajzia ku edhe ndodhi incidenti.

Nga ana tjetër, Malajzia ka kërkuar ndihmën e Interpolit në hetimin e vrasjes së Kim Jong-nam e cila ka ndodhur më 13 shkurt./Albeu.com/
Shtuar më 26/02/2017, ora 19:20

Shkruani komentin tuaj!
Të fundit nga kjo kategori