CIA zbulon rusët që ndikuan në zgjedhjet presidenciale të SHBA-ve
Mediat amerikane kanë raportuar se agjencitë e inteligjencës në SHBA, kanë identifikuar rusët që kanë ndërhyrë në zgjedhjet presidenciale amerikane të mbajtura në nëntor.

"The Washington Post" dhe agjensia e lajmeve "Reuters" kanë raportuar se CIA ka identifikuar zyrtarët rusë që i kanë dhënë "Wikileaks" materialet e vjedhura nga Komiteti Kombëtar i Demokratëve dhe liderëve të kësaj partie, me direktiva të presidentit rus, Vladimir Putin por përmes palëve të treta.

"Reuters" shkruan se ato përmbajnë dokumente me informacione sekrete që agjensitë e inteligjencës ia kanë dhënë presidentit Barack Obama, më 5 janar dhe të cilat pritet t'i jepen gjatë ditës së sotme edhe presidentit të zgjedhur, Donald Trump.

"Reuters" shkruan se materiali i vjedhur si pasojë e sulmeve kibernetike, në disa raste "shkonte në rrugë përqark" nga GRU, agjencia e inteligjencës së ushtrisë ruse tek "Wikileaks", në përpjekje që ta vështirësojnë gjetjen e origjinës se nga e kanë burimin materialet, një praktikë kjo e zakonshme që e përdorin të gjitha agjencitë e spiunimit.

Këto mënyra të dorëzimit ia kanë mundësuar Wikileaks të thonë qeveria ruse nuk është burimi i materialeve të publikuara në faqen e saj të internetit, shkruan më tej "Reuters", transmeton "REL". /albeu.com/
Shtuar më 06/01/2017, ora 08:21
Shkruani komentin tuaj!
Të fundit nga kjo kategori