Çfarë kërkonte oficeri i inteligjencës serbe në Kuvendin e Maqedonisë natën e 27 prillit?!
Goran Zhivalevic, oficer i Agjencisë Serbe për Kundërzbulim – BIA, diplomat aktual dhe këshilltar në Ambasadën e Serbisë në Shkup, më 27 prill – ka qenë brenda në Parlament gjatë tërë kohës së incidenteve.

Kush është Goran Zhivanjevic dhe çka do të thotë prezenca e tij në Parlament të enjten e përgjakshme?

Më 27 prill, në mesin e shumë njerëzve që u futën dhunshëm në Parlament njihen disa persona – kryesisht persona nga MPB ose nëntoka, të cilët kanë qenë nën hetime vetëm për pjesëmarrje në grumbullin e njerëzve ose janë të suspenduar.

Por në mesin e tyre ishte edhe një njeri, prezenca e të cilit hap shumë pyetje. Goran Zhivalevic, ish-zëvendësdrejtor i Agjencisë Informative të Sigurisë – BIA, tani oficer i saj aktiv që punon në Ambasadën në Shkup, tashmë në mandatin e tretë.

Ai është futur në Parlament pas orës 20 së bashku me një grup personash nga turma dhe është nisur drejt sallës plenare ku ende kanë qenë deputetët e VMRO-DPMNE-së.

Ai këtu edhe është fotografuar, por nuk është ndalur vetëm aty.

Zhivalevic ka qëndruar deri në fund të ngjarjeve në Parlament dhe gjatë kohës së incidenteve që kanë ndodhur aty.

Por, pse një diplomat që, sipas ueb-faqes së ambasadës serbe në Shkup, është këshilltar – në të njëjtën ditë do të ishte prezent gjatë kohës së trazirave të atilla në Parlament që është jashtë protokollit të diplomatëve.

Zhivalevic pranon se ka qenë brenda në Parlament, por siç është arsyetuar ai, “ka qenë me detyrë për të parë nëse në incidente ka dhe persona nga Serbia, tifozë apo edhe ekstremistë”.

Zhivalevic është i njohur për opinionin serb, por edhe për atë rajonal për disa ngjarje kontroverse.

Bashkëshortja e tij, Olivera Antoniq, ka dëshmuar në lidhje me vrasjen e gazetarit Sllavko Çuruvija.

Zhivaleviq para se të vijë me mision në Maqedoni, është “dëbuar” nga Kroacia për spiunim, pasi sigurimi kroat u ishte ankuar kolegëve në Beograd për punën e tij.

Deri tani nuk ka asnjë reagim nga MPB as nga Ministria e Punëve të Jashtme e Maqedonisë sepse nuk janë ndërmarrë masa kundër kundërzbuluesit serb Goran Zhivaleviq për prezencën e tij në Parlament më 27 prill. /gazeta Koha/
Shtuar më 23/05/2017, ora 22:59

Shkruani komentin tuaj!
Të fundit nga kjo kategori