Një gjykatë në Athinë ka urdhëruar burgosjen e kreut të partisë ekstreme greke “Agimi i Artë”, nën akuzat për organizim të aktiviteteve kriminale. “Nikolaos Michaloliakos i ka mohuar akuzat kundër tij”,-shkruan radio “Evropa e Lirë”. Ai ishte arrestuar së bashku me pesë deputetë të tjerë të partisë së tij nën akuzat për vrasje, sulmime dhe larje parash. Autoritetet greke e kanë përshkruar partinë “Agimi i Artë” si një bandë kriminale neonaziste.