Bota e rrezikuar nga kriza e ushqimeve
Kriza për ushqime mund të ripërsëritet. Alarmi jepet nga
Agjencia e Kombeve të Bashkuara për Ushqimin e cila raporton se çmimet e ushqimeve për muajin korrik kanë pësuar rritje.


"Çmimet e ushqimeve në botë u rritën në muajin korrik dhe mund të rriten edhe gjatë muajve në vijim, çka potencialisht rrit dhe rrezikun e një krize ushqimore të ngjashme me atë të viteve 2007-'08",-bëri të ditur agjencia e Kombeve të Bashkuara. Indeksi i FAO-s që mat muaj pas muaji çmimet e produkteve bazë të shportës ushqimore si drithëra, vaj, qumësht, mish dhe sheqer, e vlerësoi me një mesatare prej 213 pikësh çmimet e shportës për muajin korrik çka do të thotë 12 pikë më lart se muaji qershor.


Një krizë ushqimi shpërtheu rreth 5 vjet më parë për shkak të rritjes së çmimit të grurit në tregje e në shumë vende të Afrikës dhe Azisë u shoqërua dhe me trazira të dhunshme. /albeu.com/
Shtuar më 09/08/2012, ora 14:17

Shkruani komentin tuaj!
Të fundit nga kjo kategori