Borxhi publik, Bernanke: Rrisni kufirin
Kreu i “Federal Reserve” Ben Bernanke paralajmëroi ligjvënësit amerikanë se nëse nuk merret menjëherë një vendim për rritjen e kufiritborxhit publik amerikan, ekonomia më e madhe në botë rrezikon të zhytet sërish në ujëra të turbullta.

“Është shumë e rëndësishme që Kongresi të ndërmarrë hapat e duhura përsa i takon borxhit publik për të shmangur situatën ku qeveria e ka të pamundur të paguajë huatë e veta”, tha Bernanke.

Sipas tij rritja e kufiritborxhit jo domosdo përkthehet në autorizim për administratën dhe qeverinë amerikane të rrisë shpenzimet, një ndër pikat ku mbështeten republikanët për të mos votuar rritjen e tavanit të borxhit publik. /albeu.com/
Shtuar më 15/01/2013, ora 15:07

Shkruani komentin tuaj!
Të fundit nga kjo kategori