Bombardimet e SHBA-ve dhe grupi terrorist ISIS
Pëlqej
Ministri i Mbrojtjes së Shtetve të Bashkuara të Amerikës William Mayville ka thënë se bombardimet e NATO-s mbi grupin radikal terrorist ISIS në Irak e kanë ngadalësuar aktivitetin e këtij grupi.

Por, sipas tij, anëtarët e organiztës të Shtetit Islamik të Irakut dhe Shamit nuk e kanë ndalur ofeensivën e tyre dhe po marrin me dhunë dhe gjak edhe qytette të tjera në Irak.

Sipas të dhënave të policisë lokale, anëtarët e ISIS pushtuan qytetin që ndodhet rreth 115 km në verilindje të Bagdadit, Xhalaula.

Gjendja e rëndë e refugjatëve

SHBA-ja ka filluar që javën e kaluar të furnizojë me ushqime, por edhe me armë kurdët, me qëllim që ata të mund të luftojnë kundër ISIS.

Luftëtarët e armatosur keq të Peshmergas nuk mundën të përballojnë në fillim të gushtit një ofensivë të ISIS.

Mësohet se janë mbi 40.000 persona që janë shpërngulur nga vendbanimet e tyre për në male, që tiu ikin masakrave të grupit terrorist.

SHBA-ja po parashikon ndonjë plan për të shpëtuar minoritetet në Irak, pasi që ata po kërcënohen deri në zhdukje, si pasojë e persekutimit dhe e vrasjeve masive nga ana e ushtarëve të ISIS. /albeu.com/


Shtuar më 14/08/2014, ora 10:13
Shkruani komentin tuaj!
Të fundit nga kjo kategori