Policia e Maliqit ka arrestuar një 34-vjeçar pasi akuzohet se ka ushtruar dhunë fizike ndaj babait të tij.
“Specialistët për Hetimin e Krimeve të Komisariatit të Policisë Maliq arrestuan në flagrancë shtetasin B. F., 34 vjeç, banues në fshatin Plasë, Maliq, pasi në ambientin e një lokali në fshat, dyshohet se ka ushtruar dhunë fizike ndaj babait të tij, i cili u pajis me urdhër mbrojtjeje”, njofton policia.
Gjithashtu, 34-vjeçari ka dëmtuar xhamat dhe disa orendi të lokalit në pronësi të shtetasit S. F.
Materialet u referuan në Prokurori për veprime të mëtejshme hetimore./Albeu.com.