Berlusconi nuk është mirë, i kërkohet regjim shtëpie
Shëndeti i ish-kryeministrit italian, Silvio Berlusconi është përkeqësuar ditëve të fundit. Sipas medieve italiane, mjekët i kanë këshilluar një pushim absolutshtëpi.

Lideri i Forza Italia-s u shtrua në spital në shtator për shkak se u infektua për Covid dhe e kaloi. Ajo që shqetëson mjekët janë problemet kardiake, pasi atij po i shfaqen një formë “fibrazioni artial”, muskujve të zemrës.

Këtë e ka bërë ditur avokati i tij, Federico Cecconi gjatë seancës së fundit gjyqësor për procesin “Ruby ter”. Për shkak të gjendjes shëndetësore, mjekët i kanë rekomanduar “pushim absolutshtëpi, për të mos lëvizur dhe për të mos kryer aktivitete fizike”.

Berlusconi kishte pasur këtë lloj problemi në 2016 si rezultat i të cilit ai iu nënshtrua një operacioni delikat që çoi në zëvendësimin e valvulës së aortës.


Shtuar më 01/12/2020, ora 10:38

Shkruani komentin tuaj!
Të fundit nga kjo kategori