Vetëm 50 vjeç, COVID-19 i merr jetën mamisë në Elbasan
BE vendos sanksione të reja ndaj Libisë
Ministrat e Jashtëm të Bashkimit Evropian vendosën sot në Bruksel sanksione të reja kundër enteve financiare libiane dhe anëtarëve të qeverisë së vendit.
Burime diplomatike bënë të ditur për agjencinë AFP, se këto masa prekin edhe 11 persona të tjerë, kryesisht anëtarë të qeverisë, të cilët i shtohen listës prej 27 personave, përfshi edhe drejtuesin libian, Muamer Gedafi, kundër të cilëve Bashkimi Evropian ka dekretuar ngrirje të pasurive dhe ndalim të vizave.

Ministrat e mbledhur në Bruksel vendosën gjithashtu t`i shtojnë nënte ente të reja financiare listës së shoqërive të sanksionuara nga BE-ja, që deri tani kishte pesë të tilla. Ndër to figuron edhe Banka Qendrore Libiane dhe një fond sovran që administron të ardhurat nga nafta në vend.

"Nëntë entet, lista e të cilave pritet të botohet nesër në Fletoren Zyrtare të BE-së, janë kompani investimi, fondacione, ente shtetërore dhe banka``, deklaron për AFP-në në kushte anonimati një diplomat evropian.

Ndërkohë, India kërkon ndërprerjen e operacioneve ushtarake kundër regjimit të Muamer Gedafit. Ministri indian i Punëve të Jashtme, S. M Krishna theksoi se këto sulme rrezikojnë të prekin civilë të pafajshëm, qytetarë të huaj dhe misione diplomatike.

"Ne shprehim keqardhje për këto sulme ajrore", deklaroi për shtypin ministri, cituar nga agjencia "Press Trust of India" dhe mediat lokale.

"India i kërkoi të gjitha palëve të heqin dorë nga dhuna dhe përdorimi i kërcënimeve dhe forcës për zgjidhjen e mosmarrëveshjeve. Mendoj se është urgjente ndërprerja e konfliktit të armatosur", shtoi ai. /albeu.com/
Shtuar më 21/03/2011, ora 16:05

Shkruani komentin tuaj!
Të fundit nga kjo kategori