BE del kundër ofertës së Britanisë për lejën e qëndrimit
Krerët evropianë kanë kritikuar ofertën e Mbretërisë së Bashkuar për shtetasit e BE pas “Brexit”, duke pretenduar se mund të përkeqësojë situatën për ta.

Presidenti i Këshillit Evropian Donald Tusk tha se plani ishte “në pritje” ndërsa kancelarja gjermane Angela Merkel tha se nuk kishte “asnjë përparim”.

Nga ana tjetër Theresa May pranoi se ka pasur dallime midis dy palëve. Por kryeministrja tha se do të garantohen të drejtat e të gjithë atyre që “kanë ndërtuar jetën dhe shtëpitë e tyre” në Britani të Madhe.

Ajo gjithashtu sugjeroi që ndërsa të drejtat do të zbatoheshin nga gjykatat britanike, ato gjithashtu mund të mishërohen në të drejtën ndërkombëtare nëse marrëveshja ishte përfshirë në traktatin përfundimtar të tërheqjes.

Si Mbretëria e Bashkuar dhe pjesa tjetër e BE thonë se duan të vijnë në një marrëveshje që garanton një status të veçantë për 3.2 milionë shtetas të BE në Britani të Madhe dhe rreth 1.2 milionë britanikë që jetojnë në vendet e BE.

Sipas planeve të njoftuara të enjten nga znj. May, shtetasve nga vendet e bllokut, që kanë jetuar për 5 vite në Mbretërinë e Bashkuar, do t’iu ofrohet një status i veçantë, i cili i lejon ata të qëndrojnë e të kenë qasje në shërbimet shëndetësore, ato arsimore, e të përfitojnë edhe shërbime të tjera. /albeu.com/
Shtuar më 23/06/2017, ora 22:00

Shkruani komentin tuaj!
Të fundit nga kjo kategori