Bashkëthemeluesi i "Mossack Fonseca", djali i ish oficerit të SS dhe spiunit të CIA-s në Kubë
Pëlqej
Një prej bashkëthemeluesve të zyrën ligjore "Mossack Fonseca", e vënë së fundi në qendër të megaskandalit "Panama Papers" është pasardhës i një familjeje të lidhur drejtpërdrejt me regjimin nazist të Adolf Hitlerit në Gjermani.

Bëhet fjalë për avokatin Jurgen Mossackun, i cili në vitin 1977 themeloi një zyrë ligjore, ku 7 vjet më vonë ftoi në bashkëpunim Ramon Fonescan, partnerin tjetër me të cilin u takuan në një profilizuan zyrën për veprime fiksale ligjore që do të merrte më pas karakter ndërkombëtar.

Këtë histori e ka rrëfyer për "Daliy Mail", vëllai nga babai i Jurgen Mosakut, Horst, i cili jeton në Bavari dhe shprehet i tronditur nga skandali më i fundit.

Jurgen Mossack, i lindur në Gjermani në vitin 1948, është djali i një pjesëtari të regjimentit famkeq "Totenkopf" që njihet si divizioni i kokave të të vdekurve, pjesë e njësisë elitare të trupave naziste "SS'.

Erhard Mossack kishte grada të larta në këtë divizion. Është zbuluar se pas luftës së dytë botërore Erhard Mossack, babai bashkëthemeluesit të zyrës së avokatisë "Mossack Fonesca" u kap nga agjentët e CIA-s në Mynih, gjatë aksioneve të vazhdueshme për kapjen e ish-zyrtarëve të regjimit nazist.

Në mënyrë misterioze, familja e nazistit Erdard Mossack zhvendoset në Amerikën Latine në vitin 1948, ku sipas Daily Mail rezulton se i ka punuar si agjent i CIA-s në Kubë, nga ku u ka dërguar autoriteteve amerikane vazhdimisht informacione. Më pas rezulton të ketë përfunduar në Panama bashkë me familjen, për t’u rikthyer sërish në Gjermani, në rrethana të paqarta në vitet ‘70.

Mediat gjermane i janë drejtuar për informacione shërbimi aktual i inteligjencës në Gjermani BND. Kjo agjenci e konfirmon se Erhard Mossack ka pasur dosje që datojnë nga periudha naziste por nuk ka dhënë detaje, duke u justifikuar se nuk donte të zbulonte informacione që mund të ishin të rrezikshme për sigurinë e qytetarëve gjermanë.

Jurgen Mosak kishte preferuar të qëndronte në Panama ku pasi mbaroi studimet, themeloi zyrën e tij të avokatisë në moshën 29-vjeçare.

Ai ka dhe një vëlla tjetër të quajtur Peter, i cili aktualisht është konsull nderi i Panamasë në Frankfurt. /albeu.com/
Shtuar më 05/04/2016, ora 12:46
Shkruani komentin tuaj!
Të fundit nga kjo kategori