Barroso-Monti, diskutime mbi ringjalljen e rritjes ekonomike
Presidenti i Komisionit Evropian, Jose Manuel Barroso dhe kryeministri italian Mario Monti janë takuar në Bruksel për të diskutuar mbi situatën e fundit ekonomike si edhe mënyrave për të ringjallur rritjen ekonomike në zonën Euro.

“Kemi rënë dakord që ringjallja e rritjes ekonomike duhet të bëhet përmes një angazhimi të pandërprerë, me qëllim përmirësimin e konkurrencës dhe jo përmes rritjes së huave”, kanë deklaruar Barroso dhe Monti në një konferencë të përbashkët për shtyp.

Dy liderët kanë nënvizuar se bisedimet e zhvilluara mes tyre janë fokusuar mbi situatën aktuale ekonomike në Evropë dhe në veçanti në zonën e euros. Sipas tyre konsolidimi fiskal duhet të vijojë bashkë me investimet që mund të sjellin rritjen e konkurrencës dhe në të njëjtën kohë të kontribuojnë për rritjen e kërkesës në afate të shkurtra. /albeu.com/
Shtuar më 27/04/2012, ora 18:38

Shkruani komentin tuaj!
Të fundit nga kjo kategori