Sekretari i Përgjithshëm i Kombeve të Bashkuara Ban Ki Moon nisi nga Sllovenia udhëtimin e tij në Ballkan, i cili do ta çojë atë në të gjitha vendet që kanë dalë prej shpërbërjes së përgjakshme të ish-Jugosllavisë, në vitet 90.

Së pari ai ka takuar zyrtarët e lartë sllovenë në Ljubjanë, kryeministrin Janez Jansa dhe presidentin Danilo Turk ndërsa do t'i adresohet edhe parlamentit. Pas Sllovenisë, Ban Ki Moon viziton vendet e ish-Jugosllavisë, Kroacinë, Malin e Zi, Bosnjen, Serbinë, Kosovën dhe Maqedoninë. /albeu.com/