Babuinët arratisen nga instituti biomjekësor
Tre babuinë u ”arratisën” këtë fundjavë nga një qendër kërkimore në Teksas (jug të SHBA-së), shenjë e inteligjencës së tyre, por gjithashtu, sipas një shoqate, e dëshirës së tyre për t’u larguar nga laboratorët.

Tre kafshët bëjnë pjesë mes 1 100 babuinëve të Institutit të Kërkimeve Biomjekësore të Teksasit, që ndodhet në San Antonio, që përdor këto majmunë për të studjuar sëmundjet si SIDA, malarja dhe virusi Ebola.

“Ato ndodheshin në një vend të rrethuar nga mure kur kanë përdorur një prej fuçive të vendosura atje si një mjet për të shpëtuar”, thekson instituti.

Njëri pas tjetrit, babuinë janë ngjitur në fuçitë dhe kanë kapërcyer.

Një i katërt ngjiti murin, por ”ndërroi mendje” dhe u kthye pas.

Tre të tjerët u ”arratisën”.

Dy janë kapur mes pemëve, jo shumë larg. I treti ka arritur deri në rrugën kryesore, ku një drejtuese automjeti ka filmuar një video me telefonin e saj duke i treguar personelit të institutit që vraponte pas babuinit.

”Babuinët janë kapur 30 minuta pas arratisjes së tyre”, deklaroi instituti duke shtuar se kafshët nuk kanë përbërë në asnjë moment rrezik për njerëzit sepse ato nuk ishin pjesë e një studimi aktiv.

Kafshët vetë nuk ishin të sëmura”, konfirmoi John Bernal, veteriner i institutit, për televizionin lokal KSAT. /albeu.com/
Shtuar më 19/04/2018, ora 17:48
Shkruani komentin tuaj!
Të fundit nga kjo kategori