Arrestohet personi i dyshuar për sulmin me thikë në Munih
Policia gjermane bëri të ditur se ka arrestuar personin e dyshuar për sulm me thikë, si pasojë e të cilit u plagosën katër persona mëngjesin e sotëm në Munih.

“Kemi arrestuar të dyshuarin, por ende nuk e dimë nëse ai është kryerësi”, tha Markus da Gloria Martins, zëdhënës i policisë së Munihut.

Sipas informacioneve të policisë, askush nga të plagosurit nuk ka pësuar plagë të rrezikshme për jetën.

Më herët policia e Munihut iu bëri thirrje banorëve të rajonit Rosenheimer Platza të mos dalin jashtë, pas incidentit që ndodhi sot në mëngjes, meqë sulmuesi është larguar nga vendi i ngjarjes, transmeton Anadolu Agency (AA).

Përmes profilit në Twitter policia ka njoftuar për angazhimin në kërkim të autorit të sulmit. Sulmuesi është përshkruar si një burrë i moshës rreth 40 vjeçare, me një biçikletë të zezë, pantallona ngjyrë gri dhe xhaketë të gjelbër. /albeu.com/


Shtuar më 21/10/2017, ora 16:52

Shkruani komentin tuaj!
Të fundit nga kjo kategori