Kriza humanitare, 16 milionë njerëz mund të vdesin nga uria
Kriza më e madhe botërore humanitare në 70 vjetët e fundit mund të sjellë vdekjen e 16 milionë njerëzve nga uria në disa nga muajt e ardhshëm, ndërsa nëse Kongresi amerikan voton heqjen e buxhetit humanitar, pasojat do të jenë dukshëm më të mëdha, paralajmërojnë ekspertët.

Kriza humanitare është shpallur në Nigeri, Somali dhe Sudanin Jugor njëkohësisht me propozimin e presidentit amerikan Donald Trump që SHBA-të të tërhiqen nga pozita e donatorit më të madh të ndihmës humanitare në botë.

Nëse Kongresi miraton zvogëlimin e buxhetit humanitar dhe SHBA-të nuk kontribuojnë në krizën aktuale në Afrikë, ekspertët paralajmërojnë se uria e shkaktuar nga thatësira dhe përleshjet e armatosura, mund të sjellin pasoja serioze.

Të paktën 4,4 miliardë dollarë janë të domosdoshme deri në fund të marsit, për t’iu shmangur katastrofës humanitare në Nigeri, Somali, Sudanin Jugor dhe Jemen, njoftuan Kombet e Bashkuara./albeu.com/
Shtuar më 28/03/2017, ora 16:44

Shkruani komentin tuaj!
Të fundit nga kjo kategori