Juventusi mposht me “poker” golash Bolognan dhe siguron një vend në Champions (VIDEO)

Juventus ka shënuar fitore bindëse ndaj Bolognas në ndeshjen e fundit për këtë sezon të Seria A.

“Zonja e Vjetër” triumfoi me rezultat 1 – 4.

Federico Chiesa hapi serinë e golave pas gjashtë minutave lojë.

Ndërsa, Alvaro Morata dyfishoi epërsinë pas asistimit të Dybalas (29′).

Mesfushori Adrien Rabiot shënoi golin e tretë në fundin e pjesës së parë (45′).

Golin e katërt, që doli të jetë i fundit në ndeshje e shënoi Alvaro Morata pas një topi të gjatë nga portieri Szczesny (47′).

E tëra që bëri Bologna, ishte goli i nderit nga Orsilini (86′).

Falë kësaj fitore dhe barazimit të Napolit, Juventus siguron pjesëmarrjen në Ligën e Kampionëve duke u renditur në pozitën e katërt me 78 pikë, derisa Bologna në vendin e 12-të me 41 pike.


Shtuar 23.05.2021 22:45