Aktivistja topless ndërpret konferencën e Le Pen në Francë (VIDEO)
Konferenca për shtyp e kandidates për presidente e Francës Marinë Le Pen në Paris ka nisur me një incident.

Një protestuese toples, anëtare e organizatës radikale feministe, Femen, ka protestuar kundër kryetares së frontit nacional, duke e quajtur një feminsite false.

E menjëhershme ka qenë ndërhyrja e truprojave që zhvendosën me shpejtësi protestuesen nga salla ku po mbahej edhe konferenca e shtypit.

Megjithatë, Marine Le Pen, ka vijuar me agjendën e saj duke deklaruar se politika e jashtme e Francës duhet t’iu shërbejë interesave kombëtare të vendit.

“Për aktivitete politike apo diplomatike, interesat kombëtare janë udhërrëfyesi ynë i vetëm”, tha Le Pen para gazetarëve në Paris, duke vënë si prioritete dy parime në politikat e jashtme: pavarësinë dhe ekuilibrin.

Avokatja 49 vjeçare nuk ka harruar të përsërisë këndvështrimet e saj anti evropiane dhe anti globalizimit. /albeu.com/


Shtuar më 24/02/2017, ora 19:15
Shkruani komentin tuaj!
Të fundit nga kjo kategori