Adoleshentja humbi jetën, Kanadaja kufizon pijet energjike me alkool
Pëlqej
Kanadaja do të kufizojë shitjen e pijeve energjike me përmbajtje alkooli pas vdekjes së një adoleshenteje e cila piu disa kanoçe me pije energjike.

Ministria e Shëndetësisë, Ginette Petitpas Taylor, ka shprehur shqetësimin për këtë ngjarje, dhe ka udhëzuar departamentin që të ndërmarrë të gjitha masat e nevojshme për të trajtuar këtë çështje.

“Jam thellësisht e shqetësuar nga disponueshmëria në rritje dhe konsumimi i pijeve energjike me përmbajtje alkooli. Numri i të rinjve që përfundojnë në spital pasi pinë këto produkte është në rritje. Prandaj, unë e kam udhëzuar departamentin tim që të ndërmarrë të gjitha masat e nevojshme për të trajtuar këtë çështje”, ka deklaruar Ginette Petitpas Taylor.

Rregullorja e re do të kufizojë tregtinë e tyre si edhe përmbajtjen e alkoolit në pije.

Gjithashtu shteti kanadez po kërkon që aktorët të marrin në konsideratë ndryshimet në reklama, marketing dhe etiketim për të zvogëluar rreziqet nga këto produkte. /albeu.com/
Shtuar më 20/03/2018, ora 18:27
Shkruani komentin tuaj!
Të fundit nga kjo kategori