Abuzimi seksual i priftërinjve, Kili i kërkon informacion Vatikanit
Pëlqej
Prokurorët kilianë thanë në një deklaratë se ministria e jashtme kiliane, nëpërmjet ambasadës së saj në Itali, kishte kërkuar nga Vatikani informacion në lidhje me nëntë anëtarë klerikë të akuzuar për abuzim seksual.

Policia gjithashtu kontrolloi të martën zyrat e udhëheqjes së Kishës, pasi një prokuror tha se kishte për qëllim të kërkonte prova për akuzat e bëra për anëtarët e bashkësisë fetare të “Vëllezërit Marist”.

Zyrtarët e Kishës refuzuan të komentojnë të martën pasdite. Në një asamble të peshkopëve më parë këtë muaj, Konferenca Episkopale tha se ishte e angazhuar të bashkëpunonte me autoritetet civile për rastet e abuzimit.

Një skandal i vazhdueshëm në akuzat për abuzim seksual brenda Kishës në Kili, ka bërë që Papa Françesku të fillojë një hetim që ka çuar në dorëheqjen e disa peshkopëve dhe priftërinjve.

Prokurorët kilianë kanë thënë se po hetojnë 38 raste të krimeve seksuale të kryera nga klerikët dhe laikët kundër të miturve dhe të rriturve. Janë 73 persona nën hetim dhe 104 viktima, shumica e të cilëve ishin të mitur në kohën e abuzimit.

Prokurori Raul Guzman u tha gazetarëve të martën se policia kishte mbledhur dokumente dhe kompjutera nga Konferenca Episkopale dhe kishte filluar të përpunonte informacionin.

Bastisja është e fundit e disa prej zyrave të figurave të kishës së lartë në Kili, pasi prokurorët kërkojnë dëshmi për të mbështetur akuzat për abuzim seksual nga klerikët që nuk janë raportuar në polici civile.
Shtuar më 14/08/2018, ora 23:53
Shkruani komentin tuaj!
Të fundit nga kjo kategori