E FUNDIT/ Fluturojnë infektimet COVID-19 në Shqipëri, kaq raste u shënuan sot
​Rritje e numrit të pacientëve në Greqi, maska e detyrueshme në ambiente të mbyllura
Greqia do t’i bëjë të domosdoshëm maskat në të gjitha hapësirat e mbyllura publike dhe në hapësirat e hapura ku nuk mund të aplikohet distanca e përshtatshme sociale, tha zëvendësministri i Mbrojtjes Civile Nikos Hardalias, pas një rritjeje të mëtejshme të numrit të rasteve të Covid-19.

Greqia raportoi dje 78 raste të reja të konfirmuara Covid-19, numri më i lartë në rreth dy muaj, raporton Reuters.

Deri më tani, janë konfirmuar gjithsej 4,447 raste Covid-19 me 202 vdekje, një numër relativisht i vogël në krahasim me shumë vende evropiane, pasi u pranuan masa shtrënguese në pranverë.

"Faktori vendimtar për përballimin me sukses të pandemisë në fazën e parë ishte përgjegjësia e qytetarëve, përgjegjësia individuale e secilit prej tyre," tha Hardalias në një fjalim televiziv.

"Ishte ‘sekreti’ i suksesit të Greqisë dhe ne të gjithë duhet të tregojmë të njëjtën përgjegjësi dhe kujdes në këtë fazë," tha ai.

Autoritetet shëndetësore i bënë maskat e domosdoshme për konsumatorët në supermarkete 10 ditë më parë, dhe ato kanë qenë të detyrueshme në transportin publik që nga më parë.
Shtuar më 01/08/2020, ora 21:08

Shkruani komentin tuaj!
Të fundit nga kjo kategori