529 persona denohen me vdekje nga një Gjykatë në Egjipt
Gjykimi kundër 545 mbështetësve të Morsit dhe partisë së tij, ishte shtyrë disa herë, por tashmë një gjykatë në Egjipt ka dënuar me vdekje 529 mbështetës të presidentit të përmbysur Muhamed Morsi dhe partisë “Vllazëria muslimane”.

Avokati mbrojtës, Ahmad al-Sharif njoftoi se të akuzuarit u shpallën fajtorë për akuza të ndryshme duke përfshirë sulmin ndaj policëve dhe vrasjen e një oficeri të policisë, gjatë demonstratave të dhunshme në gusht.

Mbrojtësi al-Sharif njoftoi se 16 përkrahës të partisë Vllazëria myslimane u liruan, ndërsa palët kanë të drejtë ankese ndaj vendimit, por avokatët thanë se nuk kishte kohë të mjaftueshme për paraqitjen e rastit në gjykatë.

Shumë nga të akuzuarit u gjykuan dhe u dënuan në mungesë. /albeu.com/
Shtuar më 24/03/2014, ora 11:34
Shkruani komentin tuaj!
Të fundit nga kjo kategori